AMUNATEGI,   UPATEGIA

Amunategi Txakolinaren upategia 1849. urtean eraiki zen, Amunategi baserriaren atzealdean. Hasieratik erabili zen upeltegi eta lastategi moduan. 2000. hamarkadaren hasiera, upategiaren eraikina eraberritu genuen, bere barnean instalazio aurreratuagoak jartzeko. Upategiaren eraikinaren egitura bere horretan mantendu genuen, eta barruan altzairu herdoilgaitzezko instalazioa ezarri genuen, tenperatura eta inertizazioa kontrolatzeko gailu automatikoz hornituta.

Amunategi Upategian gure txakolina ekoizten dugu bakarrik, inguruan dauzkagun mahastietatik jasotako mahatsarekin. Ardo zuria egiteko teknologia aurreratua daukagu gure upategian. Gehienez 28.500 litro ekoiztu ditzakegu, ondoko deposituetan banatuta: 5.000 litroko 4 depositu, 2.500 litroko 3 depositu, 1.000 litroko depositu bat eta 300 litroko beste depositu bat. Horrez gain, upategian botilatze-gela eta biltegia ere badaukagu.