AMUNATEGI,   MAHASTIAK

Amunategi Txakolinaren mahastiek 17.000 metro karratuko hedadura dute, eta hegoalderantz begira dagoen mendi-magal leun batean kokatzen dira. Bailararen muinoan kokatzen dira Amunategiko mahastiak, eta bailararen behealdean Urdaibaiko Biosfera Erreserbako padurak dauzkagu. Bailara berberaren ortzi-mugan, Oiz eta Ilunzar mendiak ikus daitezke Amunategitik, bi mendi horiek dira inguruko garaienak eta Urdaibaiko arro hidrografikoa mugatzen dutenak. Era berean, mahastietatik gertuagoko mendiak ere ikus daitezke, adibidez, Ereñozarreko Sanmigel eta Atxarreko Sanpedro.